Dhibaatada Manchester City ayaa sii xoogeysatay markii ay guuldarro kale oo dhaawac ah kala kulantay Aston Villa.
Goolasha Jhon Duran iyo Morgan Rogers ayaa meesha ka saaray jawaab soo daahday oo uu bixiyay Phil Foden oo dhaliyay goolka calanka.
Kooxda difaacaneysa horyaalka ee City ayaa u dhacday kaalinta lixaad ee kala sarreynta horyaalka. Waxaana ay kujiraan xaalad xun oo dhaawac ah.
Maxaa laga bartay kulanka?
Man City ayaa haatan laga badiyay sagaal ka mid ah 12-kii kulan ee ugu dambeeyay tartamada oo dhan, kaliya hal mar ayay badisay 12kii kulan ee ugu dambeeyay.
Guuldarrooyinka 9 ah oo ay wajahday 12 kulan waxay ka badan yihiin 106 kulan oo hore oo ay kaliya (8) qasaaro wajaheen.
Man City ayaa hadda laga dhaliyay 26 gool 12 kulan oo ay ciyaartay tartamada oo dhan, waa haalad muujineysa sida daafac ahaan ay uliitaan xili ciyaareedkaan.
Pep Guardiola wuxuu hadda kujiraa xaalad adag oo aan laga soo kaban karin, dhawaan ayuu saxiixay heshiis cusub oo laba sano ah, laakiin way dhici kartaa hadda in la ceyriyo.
