Halyeeyga Arsenal, Patrick Vieira ayaa ku booriyay kooxdiisii hore inay la soo wareegaan 20 jirka reer Colombia, Jhon Duran.
Vieira ayaa sheegay in xiddiga Aston Villa uu yahay mid gaar ah oo caqli badan, isla markaana uu yahay ciyaartoyga saxda ah ee Gunners u qaadi kara masuuliyada weerarka.
Arsenal ayaa kamid ah kooxaha xiisaha u qaba wiilkaan yar, laakiin fursada koowaad waxay qiimeynayaan weeraryahano magac leh oo kooxda qibrad ahaan caawin kara.
Ciyaartoyda Alexander Isak, Viktor Gyokeres iyo Dusan Vlahovic ayaa dhamaantood lala xiriiriyay kooxda Premier League ee Arsebal, waxaana suurtagal ah in midkood ay la wareegaan kooxda ka dhisan Waqooyiga London.
Si kastaba ha ahaatee, maamulaha Arsenal Mikel Arteta ayaa go’aansaday inuu kalsooni ku filan siiyo Kai Havertz oo hadda masuul ka ah booska No.9.
Laakiin halyeygii hore ee Arsenal Vieira wuxuu aaminsan yahay in Duran uu ku haboon yahay masuuliyada weerarka kooxda Arteta.
Waan jeclahay qaab ciyaareedkiisa kulankii Bayern Munich ayaan daawaday,’ Vieira ayaa yiri.
“Waa ciyaaryahanka saxda ah ee Arsenal sida ugu dhaqsaha badan u bedeli kara, wuxuu leeyahay farsamo iyo xirfad gaar ah, waa nin caqli badan oo dhaqdhaqaaqiisa garoonka aad u sareeyo” ayuu yiri Viera.
