Cole Palmer oo ku maadsaday xiddig Aston Villa kaddib guushii Chelsea.
Cole Palmer ayaa ku maadsaday Saaxiibkiis Morgan Rogers kaddib markii Chelsea ay 3-0 kaga badisay Aston Villa Axaddii garoonka Stamford Bridge.Palmer ayaa soo dhigay bartiisa instagram sawir aad uga yaabiyay taageerayaal badan oo ku socday saaxiibkiis.
Palmer, oo bandhig heer sare ah sameeyay, ayaa ku guuleystay abaalmarinta Man of the Match kulankii Aston Villa, isagoo dhaliyay gool mid kalena caawiyay.
Kaddib ciyaarta, Palmer ayaa Instagram-kiisa soo dhigay sawir muujinaya sheeko dhexmartay isaga iyo Rogers oo ka dhacday barnaamijka Snapchat. Sheekada ayaa muujisay in Rogers uu u sheegay Palmer kahor ciyaarta: “Villa gool kama dhalin doontid.”
Hase yeeshee, Palmer ayaa ku jawaabay si kalsooni leh, isagoo yiri: “Abaalmarinta Ciyaaryahanka Kulanka aniga ayaa qaadan doona.”
Sida uu ballanqaaday, Palmer ayaa helay abaalmarinta Man of the Match, taasoo lagu arkay sawirka uu soo dhigay, oo yaalla dhinaca fariimaha Snapchat isaga iyo Rogers.
Palmer iyo Rogers ayaa saaxiibo dhow ah, maadaama ay hore uga wada ciyaareen akadeemiyada Manchester City. Rogers ayaa xilli ciyaareedkan sheegay in Palmer uu ka xaday dabaaldeg uu si gaar ah u leeyahay.
“Way jirtaa [in Palmer uu dabaaldegayga iga xaday],” ayuu yiri Rogers. “Waan u oggolaanayaa inuu qaato.”
