Weeraryahanka Victor Osimhen ayaa lagu soo waramayaa inuu ka fiirsanayo dalab cusub oo uga yimid kooxda Saudi Pro League ee Al-Ahli, inkastoo ay dhawaanahan horumar ka sameysay kooxda Premier League ee Chelsea.
Osimhen waxa uu dalab cusub ka helay Sucuudiga.
Sida laga soo xigtay Sky Sport Italia, Al-Ahli ayaa dalab labaad u soo bandhigtay weeraryahanka dhexe ee Nigeria.
Kooxda Saudi Pro League ayaa diyaar u ah inay Osimhen u soo bandhigto qandaraas afar sanno ah oo uu ku qaadanayo €30 milyan oo euro xilli ciyaareedkii.
Wararka ayaa soo jeedinaya in Al-Ahli ay diyaar u tahay inay Napoli u soo bandhigto 70 milyan oo euro si ay ula soo saxiixdaan Osimhen, ku dhawaad kala bar 130 milyan euro ee lagu burburin karo qandaraaskiisa.
Laacibka iyo wakiilkiisa ayaa hadda qiimeynaya dalabka waxayna ka fiirsanayaan talaabooyinkooda ugu fiican.
Napoli ayaa weli ku adkaysanaysa inay xidhi doonto iibka ka hor inta aanu xidhmin suuqa kala iibsiga ciyaartoyda dabayaaqada todobaadkan.
Dalabka ka yimid Saudi Arabia ayaa daba socday xiisaha cusub ee kooxda Chelsea.
Warar soo baxay habeenkii talaadada ayaa sheegaya in kooxda ka dhisan Premier League ay diyaar u tahay inay Osimhen u soo bandhigto shuruudo la mid ah kuwa uu ka qaato qandaraaskiisa Napoli.
Taasi waxay noqon doontaa ku dhawaad € 10 milyan xilli ciyaareedkii.
Chelsea ayaa sidoo kale la fahamsan yahay inay diyaar u tahay inay ku bixiso qiimo la mid ah kii uu Al-Ahli ku soo bandhigay, kaasoo ku dhow 70 milyan oo Yuuro.
