Calafiori wuxuu Gunners kaga soo biiray kooxda Seria A ka dhisan ee Bologna, waxaana uu qalinka ku duugay heshiis Shan sano ah.
Tababaraha Kooxda Arsenal Mikel Arteta ayaa ka hadlay saxiixa cusub ee Gunners isagoo aad usoo dhaweeyay daafaca.
Mikel Arteta ayaa yidhi:
“Waan soo dhawaynaynaa Riccardo iyo qoyskiisa Arsenal.
Waa saxiix weyn, wuxuuna na siinayaa awood aad u weyn oo aan ku xoojineyno difaaceena.
“Ricardo waa shakhsiyad weyn , leh dabeecad, leh xirfado gaar ah kuwaas oo naga dhigi doona mid xoogan nagana caawin doona inaan ku guuleysano koobab waaweyn.
Waxa uu hore u soo bandhigay horumar weyn xilli ciyaareedyadii ugu dambeeyay isagoo qaab ciyaareedkiisa u soo bandhigay Bologna iyo Italy, isagoo horumarkiisa sanadkii la soo dhaafay uu ahaa mid cajiib ah.
“Waxaan rajeyneynaa inaan la shaqeyno Riccardo, kusoo biiristiisa kooxda, oo aan taageerno sanadaha soo socda.”ayuu yiri Arteta.
Riccardo ayaa xiran doona lambarka 33 wuxuuna u safray Mareykanka si uu ula midoobo asxaabtiisa cusub ee Philadelphia.
