Slot oo ah tababarihii ugu horreeyay ee Liverpool oo badiyay sagaal ka mid ah 10-kii kulan ee ugu horreyay ee uu kooxda hoggaamiyo, wuxuu aaminaad badan galiyay jamaahiirta.
Liverpool inay badiso tiro intaas la ,eg billowga xilli ciyaareedka waxaa ugu dambeysay 35 sano ka hor. waxaana amaanta oo dhan qaadanaya Slot oo shaqo fiican qabtay.
Wax walba waa bilow, sheekada oo dhan ayaa dhan kale isku gedin karta sidii Unai Emery oo guuleystay sideed kamid ah 10kii kualn ee ugu horeeyay markii uu Wenger kala wareegay Arsenal 2018.
Bilowga cajiibka ah ee Slot waa in lasugaa halka uu garai doono, sababtoo ah Emery kadib buun buunin lagu sameeyay waqtigaas, ugu dambeyntii waxaa la isku raacay inuusan u qalmin shaqada Emirates Stadium.
Slot oo ah Tababarihii hore ee Feyenoord ayaa nolosha England ugu raaxeysanaya si ka wanaagsan sidii ay dad badan moodayeen.
Waxyaabaha cajiibka ah ee Liverpool lagu arkay 2024-25 ayaa ah qaabkooda kulamada banaanka ay ku ciyaarayaan, kadib markii ay wada mareen AC Milan, Ipswich Town, Man Utd, Wolves iyo Crystal Palace.
Liverpool ayaa badisay kaliya 9 ka mid ah 19-kii kulan ee ay martida ahaayeen horyaalka xilli ciyaareedkii hore (7 bar-baro iyo 3 guul darro ayaa u raacday ), waxayna ku qaadatay ilaa 9 December in ay badiyaan kulankoodii afraad oo Away ah ama banaanka ah, laakiin si ka duwan taas Slot wuxuu dhaafay heerkaas kaliya bisha October.
