Ciyaaryahanka khadka dhexe ee Real Madrid Jude Bellingham ayaa dhaawac kubka ah ka soo gaaray tababarka wax ka yar laba toddobaad ka hor inta aysan England bilaaban ololahooda Nations League.
21-jirka ayaa awoodi waayay inuu dhammeeyo tababarkii ugu dambeeyay ee kooxda.
Waxaa la cadeeyay haatan waxa uu yahay dhaawaca iyo inta ay u badan tahay inuu Bellingham maqnaan doono.
Wararka ka imanaya Spain ayaa sheegaya in uu maqnaan doono ilaa dhamaadka bisha Sebtember taas oo meesha ka saaraysa in Lee Carsley uu waayi doono labada kulan ee hore isaga oo ah tababaraha ku meel gaadhka ah ee England.
Saddexda libaax ayaa fooda isdari doonan Jamhuuriyadda Ireland 7da Sebtember iyo Finland 10ka Sebtember ciyaar ka tirsan League Nations.
War qoraal ah oo ay soo saartay Real ayay ku sheegtay in Bellingham uu Jimcihii sameeyay baadhitaano caafimaad oo ku saabsan dhibaatada ka jirta kubka midig iyo in “horumarkiisa lala socon doono”.
Isagoo kusoo qoray akoonkiisa baraha bulshada, Bellingham wuxuu sheegay:
“Ma jiro wax aan ka necbahay in ka badan ciyaaraha maqan, laakiin waxaan isku dayaa inaan arko dhinaca wanaagsan, laga yaabee in jirkeygu ii sheego inay u baahan tahay xoogaa nasasho ah ka dib sanad mashquul ah.
“Aad ayaan u niyadjabsanahay laakiin waxaan u taageeri doonaa wiilasha sida taageere ilaa aan mar kale dib ugu soo biiro iyaga oo ku jira qaab ciyaareedkeyga ugu fiican.”
Bellingham ayaa dhaliyay 23 gool 42 kulan oo uu saftay xilli ciyaareedkiisii ugu horeeyay ee Bernabeu xilli ciyaareedkii hore iyada oo Madrid ay ku guulaysatay laba koob oo La Liga ah iyo Champions League.
Ciyaaryahankii hore ee khadka dhexe ee Dortmund ayaa ku soo bilowday barbarihii 1-1 ee La Liga isbuucii hore ee Mallorca, iyo sidoo kale guushii Super Cup ee ay ka gaareen Atalanta horaantii bishaan.
Carsley ayaa lagu wadaa in uu magacaabo shaxdiisa uga qeyb galaya ciyaaraha Qaramada 29ka August.
