Ciyaaryahanka khadka dhexe ee Arsenal Jorginho ayaa ku taageeray Bukayo Saka inuu ku guuleysto sida ugu dhaqsiyaha badan abaalmarinta Ballon d’Or mustaqbalka.
Ciyaaryahanka heerka caalami ee dalka Talyaaniga ayaa Saka ku tilmaamay ciyaaryahan heer caalami ah, isagoo intaa ku daray inuu doonayo inuu arko isagoo ku guuleysanaya Ballon d’Or.
Isagoo la hadlayay Rio Ferdinand ka hor kulanka Arsenal ee Premier League ay la ciyaarayaan Manchester United Arbacada, Jorginho ayaa yiri xiddiga heerka caalami ee dalka England Saka wuxuu leeyahay xirfad dabiici ah oo uu kaga duwan yahay ciyaartooyda kale ee Premier League.
Lama rumaysan karo isaga waa mid heer caalami ah, waxaan kuu sheegi karaa inuu ku guuleysan doono Ballon d’Or’.
Waxa uu intaa ku daray Jorginho “waxaan aaminsanahay Saka inuu leeyahay sifooyin gaar ah oo uu ugu guuleysto Ballon d’Or, waxa aan rajaynayaa in uu horumar badan sameyn doono sanadaha soosocda.
Saka waxa uu ku dhameystay booska 21-aad ee qiimeynta musharaxiinta Ballon d’Or 2024, laakiin Jorginho ayaa ku kalsoon in laacibka garabka ka ciyaara uu maalin uu ku guukeysan karo abaalmarintaan.
23-sano jirkaan ayaa noqday mid ka mid ah ciyaartoyda ugu cabsida badan ee weerarka ka ciyaara Premier League tan iyo markii uu soo galay kooxda koowa markii ugu horeysay 2018.
