Mikel Arteta ayaa shaaca ka qaaday in Arsenal ay dhowr doorasho u haystaan weerarka kulanka ay Sabtida la ciyaarayaan West Ham, ka dib markii ay xal u heleen tababaridda weeraryahanno cusub.
Mikel Merino ayaa u muuqda ciyaaryahanka ugu badan ee fursad u leh inuu ku bilowdo weerarka, ka dib markii uu labo gool ka dhaliyay Leicester isagoo weeraryahan ah todobaadkii hore.
Si kastaba ha ahaatee, tababaraha Arsenal ayaa West Ham jahwareer gelinaya isaga oo shaaca ka qaaday inuu ku tijaabiyay ciyaartoy kala duwan booskaas.
Markii la weydiiyay inuu Merino mar kale ka ciyaari doono weerarka, Arteta wuxuu yiri: “Maya, isaga ama ciyaartoyda kale midna. Waxaan rabaa in ciyaartoydu ay qaataan falsafaddeyda markay garoonka ku jiraan. Usbuucyadii la soo dhaafay waxaan tababarka ku tijaabinaynay ciyaartoy kala duwan, Merino wuxuu ahaa mid ka mid ah, iyo kuwa kale. Waxaan sidoo kale leenahay ciyaartoyda da’yarta ah oo hadda si joogto ah nooga soo tababaranaya, baranaya nidaamkayaga, waxayna u muuqdaan kuwo aad ugu dhow. Dabcan waa laga yaabaa inaan isticmaalno. Waxay u muuqdaan kuwo diyaar ah, taasina waa wax fiican.”
