Messi waxa uu qiray inuu dib u soo cusboonaysiiyay qaab ciyaareedkiisa iyo styl-ka uu ku ciyaaro tan iyo markii uu ku biiray Inter Miami CF.
Ujeedka uu sidaas u sameeyay waxay aheyd si uu ula qabsado Major League Soccer, maadaama lagu jiro dhamaadka xirfadiisa ciyaareed.
Messi, oo 37 jir ah, ayaa Miami ugu biiray beeca xorta ah bishii July 2023 kadib markii uu dhanaaday qandaraaskiisii PSG.
“Waxaan bedelay qaab ciyaareedkeyga sababtoo ah xilligan, xaalada iyo da’deyda ayaa ku fakirayaa,” ayuu u sheegay Fabrizio Romano.
“Wax walba waan la qabsaday si tartiib tartiib ah, waxaan bilaabay inaan dib u soo nooleeyo naftayda oo aan la qabsado horyaalkan, kaasoo aniga igu cusub, waxaan dareemay raaxo tan iyo markii aan imid halkaan.
Messi ayaa isla markiiba saameyn ku yeeshay kooxda South Florida, isagoo ciyaaray kulamo yar, tartankii ugu horeeyay ee uu u qaaday waxa uu ahaa Leagues Cup ka hor inta uusan kooxda u qaadin horyaalka.
Ka hor Messi Kooxdiisa ayaa ku soo gabagabaysay horyaalka kaalinta 14-aad, laakiin imaatinkii bilowgii Messi waxay ku guuleysteen Horyaalka.
Haatan, ku guulaystaha Ballon d’Or sideeda jeer wuxuu ku qanacsan yahay shaqo kasta oo uu qabtay, waxaana uu aaminsan yahay in walba uu ku saleeyay xaalada cusub iyo da,diisa.
