Go’aanka Arne Slot ee ahaa inuu joogo Feyenoord 2023 isaga ddiiday ku biirista Tottenham ayaa aad loo amaanay kadib markii uu kooxda Eredivisie ka caawiyay lix sano kadib inay qaado horyaalka.
Si kastaba ha ahaatee, wuxuu iska diday fursad uu ugu biiri lahaa Spurs oo markaas u weecatay tababarihii hore ee Celtic Ange Postecoglou.
Slot ayaa taa beddelkeeda soo aaday Premier League sannad ka dib isagoo shaqada Liverpool kala wareegay Jurgen Klopp.
Xilli ciyaareedkan, nasiibka Postecoglou iyo Slot aad ayuu ukala duwan yahay, inkastoo kulankii ugu horeeyay abid taariikhda dhexmara labada tababare ee la ixtiraamo uu caawa dhici doono.
Waxaa jira arimo lagu muransan yahay oo ku saabsan xiisihii Tottenham ee Slot bishii May 2023, markaasoo ay ku dhawaad laba bilood raadinayeen kooxda ka dhisan waqooyiga London tababaraha reer Holland.
Slot waxaa loo arkaayay bedelka Antonio Conte, kaasoo oo cadaadis xun ku heystay Tottenham, laakiin wuu iska diiday shaqadaan isagoo doortay inuu la sii joogo kooxdiisa.
Taageerayaasha Tottenham ayaa buuq iyo xamaasad kusoo dhaweyn doona tababaraha hogaaminaya Premier League marka caawa Liverpool ay la ciyaareyso Spurs kulan katirsan Premier League.
