Enzo Maresca ayaa ku booriyay ciyaartoydiisa inay sii wadaan sameynta waxyaabo ay taageerayaasha kaga farxin karaan maadaama Chelsea ay soo galeyso xilli adag kadib jadwalka ciyaaraha.
Blues lagama adkaan toddobo kulan oo isku xiga waxayna guuleysteen toddobo ka mid ah 11-kii kulan ee tartamada kala duwan tan iyo markii Maresca uu xilka qabtay xagaagii.
Qaab ciyaareedka soo jiidashada leh ayaa inta badan ku dhammaaday ciyaartoyda oo aadaya dhinaca taageerayaasha si ay ugu mahad celiyaan, ha ahaato garoonkooda ama meel kale oo ay booqdeen. Maresca ayaa carrabka ku adkeeyay muhiimada ay leedahay in loo mahadceliyo taageerayaasha. Waxaa sidoo kale jiray waqtiyo xilli ciyaareedkan oo tababaraha uu isku dayay inuu dhiirigeliyo taageerayaasha si ay u kordhiyaan taageerada codka leh ee kooxda.falcelinta taageerayaasha ayaa Maresca ku dhiirisay inuu xooga saaro soo kabashada kooxda ee xilli ciyaareedkaan.
Chelsea waxay wajihi doontaa Kooxo ay xifaaltamaan bisha soo socota. Waxey safarro ku aadi doonaan Liverpool, Panathinaikos, Newcastle United iyo Manchester United. Intaas waxaa dheer, waxay marti gelin doonaan Newcastle, Noah iyo Arsenal ka hor inta aan la gaarin fasaxa caalamiga ah ee bisha Nofeembar.
Maresca ayaa yiri: “Xiriirka aan la leenahay taageerayaasha waa mid aad muhiim u ah. Aad ayaan ugu faraxsanahay taageeradooda, ha noqoto gurigeena ama meel kale.”
Wuxuu intaas ku daray: “Taageerayaasha,iney ku faanaan kooxda waa wax lagu farxo, waxaan u ballanqaadayaa in aan guulo waaweyn gaarsiiyo kooxda. ”
