Manchester United waxa ay leedahay rajo wayn oo suuqa kala iibsiga ah, waxaana ka mid ah magacyada soo jiitay dareenka Red Devils Jonathan David.
David oo ah weeraryahan hibo leh oo reer Canada ah islamarlaana u ciyaara kooxda Lille ee horyaalka Ligue 1 ayaa waxaa taageere u ah tababare Amorim.
Qandaraaska xiddigaan wuxuu dhacayaa June 2025, waxaana uu xiiso la heystaa kooxo badan oo ka dhisan yurub.
24-sano jirkaan ayaa noqday ciyaaryahan muhiim u ah kooxda Lille tan iyo markii uu ku biiray sanadkii 2020.
Manchester United, ayaa David ku aragtay astaamo uu ugu ciyaari kar Old Trafford, iyadoo Amorim uu u arko mid xoojin kara weerarkiisa.
In kasta oo ay Manchester United heystaan Marcus Rashford iyo Rasmus Højlund, haddana uma arko Amorim ragaas kuwo ku filan horumarka kooxdiisa.
