Antony ayaan wax niyad ah u haynin inuu ka tago Manchester United, waxaana jira warar sheegaya in heshiis isku badalasho ah uu ku lug yeelan karo kaasoo da’yarka Flamengo Lorran ku tagayo Man Utd. (Jorge Nicola – Brazil)
Man Utd iyo Liverpool ayaa xiiso u muujiyay daafaca bidix ee kooxda Fulham Antonee Robinson. (Football Insider)
Xabi Alonso, oo si xoogan loola xiriirinaayo bedelka Carlo Ancelotti ee Real Madrid, ayaa ka tagi doona Bayer Leverkusen dhamaadka xilli ciyaareedkan. (Eurosport – Spain)
West Ham United ayaa ku adkeysan doonta inay bixiyaan qiimo 85 milyan oo ginni kooxaha doonaya Mohammed Kudus oo ka tagi kara garoonka London Stadium. Arsenal ayaa xiiso u qabta (Mail Sport)
Ku guulaysta Ballon d’Or 2024 Rodri ayaa door bidi lahaa inuu ku biiro Barcelona marka la barbardhigo kooxda Real Madrid oo xiiso u qabta isaga (El Nacional – Spain)
City ayaa isha ku haysa ciyaaryahanka khadka dhexe ee Atletico Madrid Pablo Barrios, waxaana ay rajeynayaan inuu noqdo bedelka Rodri. (El Nacional – Spain)
Da’yarka Real Madrid ee Endrick ayaa laga yaabaa inuu amaah ku aado Real Valladolid oo uu leeyahay halyeeyga Brazil Ronaldo. (Super Deporte – Spain)
Bayern Munich ayaa diyaar u ah inay sameyso wax walba oo ay kusii heysan karaan Jamal Musiala, waxay ka fakirayaan in ay ka dhigaan ciyaaryahanka ugu mushaarka badan kooxda. (Fichajes – Spain)
Ciyaaryahanka khadka dhexe ee Liverpool Wataru Endo ayaa laga yaabaa inuu ku biiro Wolverhampton Wanderers suuqa kala iibsiga ee Janaayo, sidookale Ipswich Town iyo Fulham ayaa isha ku haya 31 jirkaan. (Football Insider)
Ruud van Nistelrooy, oo dhawaan ka tagay Man Utd, ayaa laga yaabaa inuu si dhaqsi ah ugu soo laabto shaqada tababarnimo isagoo dalab ka helay kooxda heerka labaad ee Burnley. (The Sun)
Crystal Palace ayaa jeclaan laheyd inay amaah kula wareegto garabka Chelsea Mykhailo Mudryk bisha Janaayo. (Mirror)
Barcelona ayaa isha ku haysa xaalada Mohamed Salah ee Liverpool xilli uu sii dhamaanayo heshiiskiisa Anfield, Khvicha Kvaratskhelia, Rafael Leao, Nico Williams iyo Leroy Sane ayaa iyagana ay xiiso uqabaan Catalan (El Nacional – Spain)
Kooxda reer Catalan ayaa sidoo kale dooneysa xiddiga Eintracht Frankfurt Omar Marmoush oo ay doonayaan kooxaha Liverpool iyo Bayern Munich. (SPORT – Spain)
Chelsea ayaa ka cago jiideysa inay iibiso Christopher Nkunku iyadoo lagu soo waramayo inay xiiseynayaan Man Utd. (Football Insider)
Tottenham Hotspur waa mid ka mid ah seddex kooxood oo Premier League ka dhisan oo doonaya weeraryahanka Greece Stefanos Tzimas, kaasoo haatan amaah kula jooga kooxda FC Nurnberg (BILD – Jarmalka)
Manchester City ayaa isha ku haysa Omar El Hilali iyagoo raadinaya bedelka 35 jirka Kyle Walker. Aston Villa iyo Brighton & Hove Albion ayaa sidoo kale isha ku haya daafaca midig ee Espanyol. (TBR Football)
