Manchester United ayaa diyaar u ah inay bixiso lacag dhan €90m si ay ula soo saxiixato xiddiga garabka Barcelona Raphinha kadib codsi uga yimid maamulaha kooxda Ruben Amorim, kaasoo aaminsan in dalab weyn uu ku tijaabin karo kooxda La Liga ka dhisan. (El Nacional – Spain)
Waxaa sidoo kale lala xiriirinayaa inuu ka tagayo Barcelona xiddiga khadka dhexe ee Frenkie de Jong, kaasoo ka codsaday agaasimaha isboortiga Deco inuu aqbalo dalab kasta oo macquul ah oo kaga yimaado suuqa kala iibsiga Janaayo. (El Nacional – Spain)
Manchester City ayaa ka niyad jabsan qaab ciyaareedka Jack Grealish, waxayna isku diyaarin doontaa inay dhageysato dalabyada u imaanaya xiddiga heerka caalami ee dalka England dhamaadka xilli ciyaareedkan. (Football Insider)
Tababaraha kooxda Atalanta Gian Piero Gasperini ayaa cadeeyay in xiddiga khadka dhexe ee Charles De Ketalaere uu u ciyaari doono midkood kooxaha Liverpool ama Real Madrid labada sano ee soo socota. (La Repubblica – Talyaaniga)
Everton ayaa u soo bandhigi doonta goolhaye Jordan Pickford heshiis cusub xili xiiso ay u qabaan kooxaha Barcelona, Chelsea iyo Bayern Munich. (TBR Football)
Arsenal ayaa xiiseyneysa saxiixa goolhayaha Boca Juniors Leandro Brey,oo 22 jir ah. (Pasion Futbol – Argentina).
Crystal Palace iyo West Ham United ayaa loo soo bandhigay fursad ay kaga hormari karaan Tottenham Hotspur tartanka loogu jiro saxiixa xiddiga khadka dhexe ee Juventus Nicolo Fagioli ka dib markii tababaraha Spurs Ange Postecoglou uu diiday inuu ogolaado u dhaqaaqista xiddiga heerka caalami ee dalka Talyaaniga. (GIVEMESPORT)
Newcastle United ayaa dalab weyn ka gudbisay daafaca dhexe ee kooxda Barcelona Eric Garcia bisha Janaayo. (SPORT – Spain)
Maamulaha Liverpool Arne Slot ayaa ogolaaday u dhaqaaqista ciyaaryahanka khadka dhexe ee Real Madrid Aurelien Tchouameni, iyadoo kooxda reer Spain la filayo inay tixgeliso dalabyada u imaanaya xiddiga reer France. (Fichajes – Spain)
Chelsea ayaa ku qasban inay iibiso 11 ciyaartoy bisha Janaayo si ay uga fogaato ganaax lacageed, Juventus ayaana isha ku heysa daafaca dhexe ee Benoit Badiashile. (La Gazzetta dello Sport – Italy)
Sidoo kale raadaarka Juventus waxaa saaran daafaca dhexe ee AC Milan Fikayo Tomori. (Tuttosport – Italy)
Tababaraha kooxda Real Madrid Carlo Ancelotti ayaa u muuqda mid diirada u saaran kooxda Roma hadii kooxda La Liga ay doorato inay keensato Xabi Alonso dhamaadka xilli ciyaareedkan. (La Gazzetta dello Sport – Italy)
Aston Villa ayaa ogolaatay heshiis ku kacaya €8m si ay ula soo wareegto daafaca Kasimpasa Yasin Ozcan. (Fanatik – Turkiye)
