Manchester United ayaa ka fiirsaneysa dhowr fursadood oo ay ku raadineyso ciyaaryahan cusub oo khadka dhexe ah iyadoo heshiiska Real Sociedad ee Martin Zubimendi weli uu yahay mid adag.
Red Devils ayaa wajahaysa dagaal culus oo ay ku doonayso inay ku qanciso xiddiga heerka caalami ee dalka Spain inuu ka tago kooxdiisii caruurnimada xagaagan.
Ciyaaryahanka khadka dhexe wuxuu ku faraxsan yahay kooxdiisa, wuxuuna diyaar u yahay inuu galo tartan cusub.
Ka dib markii ay dhamaystireen heshiisyada weeraryahankooda Joshua Zirkzee iyo daafaca Leny Yoro, kooxda Premier League ka dhisan ee Manchester United ayaa hadda diyaar u ah inay xooga ay saarto saxiixa xiddigan, iyagoo eegaya inay isku shaandheyn ku sameeyaan doorkooda ka hor xilli ciyaareedka seddexaad ee Erik ten Hag.
Khadka dhexe Christian Eriksen, Scott McTominay iyo Casemiro ayaa dhamaantood lala xiriirinayay inay baxayaan isbuucyadii dhawaa xilli tababaraha reer Holland uu doonayo inuu dib u soo cusbooneysiiyo kooxdiisa.
United ayaa ilaa hadda ku guuldareysatay inay heshiis la gaarto Paris Saint-Germain oo ku aadan bartilmaameedkooda ugu sareeya ee Manuel Ugarte, inkastoo ay ku qanciyeen xiddiga reer Uruguay inuu ku biiro kaliya 12 bilood oo uu ku sugnaa Parc des Princes.
Manchester United ayaa si weyn isha ugu jeeysa Zubimendi, kaasoo qandaraaskiisa haatan lagu burburin karo 51 milyan ginni, kaasoo socon doona illaa Jun 2027.
