Manchester United ayaa diyaarinaysa dalab ku kacaya 17 milyan oo ginni oo ay ku doonayso xiddiga reer Colombia ee Richard Rios.
United ayaa dooneysa inay xoojiso kooxdeeda ka dib markii ay ku dhameysatay kaalinta sideedaad ee Premier League xilli ciyaareedkii hore, waxaana ay rajeynayaan inay horumar weyn ka sameeyaan ololaha cusub.
Ka dib bilawga xagaaga waxaa jira dhaqdhaqaaqyo badan oo ka socda Old Trafford iyada oo tiro heshiisyo ah la dhammaystiray, iyo kuwo kale oo badan oo ay ku dhowyihiin.
Red Devils ayaa horay u soo gabagabeysay saxiixa weeraryahan Joshua Zirkzee oo ay kala soo wareegeen Bologna iyo da’yarka Leny Yoro oo ka yimid Lille, iyadoo la rumeysan yahay inay u socdaan heshiisyada Manuel Ugarte iyo Matthijs de Ligt.
Waxay isku diyaarinayaan imika inay 17 milyan oo ginni ugu dhaqaaqaan xiddiga reer Colombia Rios, kaasoo u ciyaara kooxda Brazil ee Palmeiras.
Laacibka reer Colombia ayaa ku biiray Palmeiras bishii March 2023, waxaana uu u saftay 82 kulan, isagoo u dhaliyay shan gool.
