Arne Slot oo helay war cusub oo ku saabsan dhaawacyada xiddigihiisa iyadoo MacAllister kusoo laabtay kooxda kahor kulanka Chelsea.
Diyaar garowga Liverpool ayaa bilaabanaya iyadoo Arne Slot uu kooxdiisa u diyaarinayo inay Chelsea ku qaabisho garoonka Anfield marka Premier League dib u billowdo kadib nasashada ciyaaraha caalamiga ah.
Nasashadii ciyaaraha caalamiga ayaa dhowaan dhammaanaysa, waxaana socda diyaar garowga ku aaddan soo laabashada horyaalka Premier League.
Liverpool waxay axadda garoonka Anfield ku soo dhoweyn doontaa Chelsea iyadoo Arne Slot uu isku dayayo inuu sii wato bilowgiisa wanaagsan ee noloshiisa cusub ee Reds. Kooxda tababaraha reer Holland waxay ku fadhisaa hogaanka horyaalka kadib lix guulood iyo hal guuldarro oo kaliya xilli ciyaareedkan, balse jadwalku wuxuu u muuqdaa mid sii adkaanaya mustaqbalka dhow.
MacAllister ayaa ka dhaawacmay muruqa bowdada kulankii ugu dambeeyay ee Liverpool, balse haddana wuxuu ku biiray xulka Argentina usbuucii la soo dhaafay. Mac Allister ayaa seegay barbaraha xulkiisa la galay Venezuela balse haatan wuxuu u muuqdaa mid taam u ah kulanka Chelsea.
Xiddigii hore ee Brighton ayaa dib ugu soo laabtay tababarka buuxa, sida ay qortay Ole, waxaana xitaa suurtagal ah inuu ciyaaro kulanka xulkiisa uu la qaadan doono Bolivia. Inkastoo warkani uu farxad u yahay Reds, hadana suurtagalnimada inuu ciyaaro saqdii dhexe ee aroornimada Arbacada ayaa kooxdiisa niyad jabin karta maadaama ay doonayaan inuu diyaar u noqdo kulanka Chelsea.
