Roberto De Zerbi, tababaraha cusub ee Marseille, ayaa aad u xiiseynaya saxiixa ciyaaryahanka khadka dhexe, laakiin Reds ayaa diiday dalabkii ugu horeeyay.
Liverpool ayaa ilaa haatan ka gaabisay ganacsigeeda suuqa kala iibsiga xagaagan iyada oo wali ah kooxda kaliya ee lixda lixda sare ugu sareysa Premier League ee aan la soo wareegin xiddig.
Kadib bixitaankii tababare Jurgen Klopp, Arne Slot ayaa la keenay si uu kooxda u qabto oo uu mar kale uga dhigo kuwa u tartamaya horyaalka.
Marseille ayaa lagu soo waramaya inay dooneyso inay la wareegto khadka dhexe ee Wataru Endo, laakin dalabkii ugu horeeyay ayee ku gacan seeyrtay reds.
Kooxda Merseyside-ka ka dhisan ayaa ku dhameysatay kaalinta seddexaad ee horyaalka xilli ciyaareedkii hore, waxaana ay hoos u dhacday bilihii ugu dambeeyay ee xilli ciyaareedka.
Waxay u muuqatay inay si firfircoon u samayn doonaan saxiixyo cusub xagaagan si ay mar kale ugu noqdaan tartamayaasha horyaalka.
Si kastaba ha ahaatee, kaliya waxa ay waayeen ciyaaryahano xagaagan ka dib markii Thiago Alcantara, Joel Matip iyo Adrian ay ka tageen Anfield ka dib markii uu dhacay qandaraaskooda.
Waxa ay diiday dalab uga yimid Marseille oo ku aadan Endo, waxaana ay go’aansadeen inay sii heystaan ciyaaryahankii kaliya ee kooxda kusoo biiray xagaagii lasoo dhaafay markii Jordan Henderson iyo Fabinho ay ka tageen.
