Liverpool ayaa waxaa gilgilay wararka sheegaya in Mohamed Salah ay u badan tahay inuu ka tago kooxda dhamaadka xilli ciyaareedkan.
Salah ayaa daaha ka qaaday mar uu hadlayay kadib guushii ay Reds 3-2 kaga badisay Southampton, in wali wax heshiis ah aan laga gaarin mustaqbalkiisa Liverpool.
32-sano jirkaan, ayaa lala xiriirinayaa inuu u dhaqaaqayo Saudi Pro League, halkaas oo ay muddo dheer kooxihiisa xiiseynayeen.
Ciyaartoyda loo saadaalinayo inay Salah ka bedelaan Anfield haddii uu ka tago waxaa ka mid ah garabka PSV ee Johan Bakayoko.
Ciyaaryahanka heerka caalami ee dalka Belgium ayaa waxaa codsi uu ka helay tababare Arne Slot oo hogaamiya Liverpool.
Liverpool ayaa 21-sano jirkaan si cad ugu aragta bedelka Salah, oo kujira bilihii ugu dambeeyay qandaraaskiisa.
Isagoo la hadlayay Voetbal International, Bakayoko ayaan wax qarsoodi ah ka dhigin sida uu ujeclaan lahaa inuu u ciyaaro kooxda Premier League hogaamineysa ee Liverpool.
