28 jirka khadka dhexe ayaa xubin muhiim ah ka ahaa kooxda Sociedad tan iyo markii uu ku biiray kooxda Basque 2018kii.
Khadka dhexe waxa uu u saftay 242 kulan,waxa uu u dhaliyey 27 gool,waxana uu caawiyey 30 jeer.
Wuxuu ku dhashay Pamplona, Spain, Mikel wuxuu xirfaddiisa ka bilaabay Osasuna.
Waxa uu u soo gudbay darajooyinkoodii dhalinyarada isagoo galay kooxdii ugu horeysay, halkaasoo uu u saftay 67 kulan wuxuuna dhaliyay sideed gool.
Bishii July 2016, wuxuu ku biiray Borussia Dortmund wuxuuna ka caawiyay inay ku guuleystaan Koobka Jarmalka bishii May.
Mikel waxa uu xidhan doona nambarka 23aad , waxana uu isla markiiba ku biiri doona asxaabtiisa cusub ee xarunta tababarka ee Sobha Realty.
Qof kasta oo Arsenal jooga waxa uu kooxda ku soo dhawaynayaa Mikel Merino.
