Laba weeraryahan oo Super Eagles ah ayaa ku jira liiska afarta ciyaaryahan ee Manchester United dooneyso inay ku xoojiso tababaraha cusub ee Ruben Amorim.
Red Devils ayaa dhalisay kaliya 13 gool 12 kulan oo Premier League ay ka ciyaartay xili ciyaareerkaan, taasoo muujineysa hoos u dhaca weerarkooa.
Sida laga soo xigtay Sky Germany, weeraryahanka Eintracht Frankfurt Omar Marmoush iyo xiddiga Galatasaray Victor Osimhen ayaa ah kuwa ugu horeeya ee Old Trafford u dhaqaaqi kara marka uu furmo suuqa kala iibsiga ciyaartooyda.
Marmoush ayaa u dhaliyay 11 gool kooxda Frankfurt xili ciyaareedkaan, wuxuuna ku ku bixi karaa ku dhawaad 50 milyan ginni suuqa soosocda.
Osimhen ayaa haatan amaah kula jooga kooxda Galatasaray ka dib markii uu ka tagay Napoli waxaa lagu burburin karaa 63 milyan ginni qandaraaskiisa kooxda Talyaaniga xagaaga.
Weeraryahanka Nigerian ayaa dhaliyay sideed gool 10 kulan oo uu ciyaaray xilli ciyaareedkan horyaalka dalka Turky.
Randal Kolo Muani iyo Victor Boniface ayaa la sheegay sidookale inay ka kamid yihiin liiska weeraryahanada ku biiri kara kooxda Man United.
Kolo Muani, ayaa lagu soo iibsaday 77 milyan ginni sanadkii hore, kaaliin kaliya labo kulan ayuu kusoo bilowday xilli ciyaareedkan kooxda Paris Saint-Germain.
Kooxda Ligue 1 ka dhisan waxay u ogolaatay weeraryahanka heerka caalami ee dalka France inuu amaah ku baxo suuqa January.
Dhinaca kale Boniface ayaa dhaliyay sideed gool 15 kulan oo uu saftay tartamada oo dhan xilli ciyaareedkan,waxaana uu ka caawiyay Leverkusen hanashada horyaalka xilli ciyaareedkii hore.
