Real Madrid ayaa markale xalay qaadatay dhibic keliya kadib markii ay barbar dhac la gsshay kooxda Las Palmas.
Kooxda martida loo ahaa ee Canary Islands ayaa hogaanka u qabatay ciyaarta markii uu weeraryahanka Scotland ee Oli McBurnie uu kubad qurux badan uu u dhigay da’yarka Alberto Moleiro, kaas oo kubad joog hoose ah ka dhaliyay geesta hoose ee shabaqa.
Laakiin Madrid ayaa barbareysay markii Vinicius Jr uu dhaliyay rigoore ka dib markii Alex Suarez lagu ganaaxay kubad gacanta kaga dhacday.
Si kastaba barbarahan Waxayba sii kordhisay rikoorka guuldaro la’aanta kooxda ilaa 35 kulan oo La Liga ah.
Madrid oo aad uga fogayd qaab ciyaareedkeedii wacnaa ayaa heshay fursado ay ku guulaysan kartay iyada oo Endrick iyo Kylian Mbappe ay ku dhawaadeen.
Mbappe ayaan wali wax gool ah dhalin 3-dii kulan ee uu ciyaaray horyaalka La Liga tan ilaa markii uu ka soo dhaqaaqay Paris St-Germain.
Las Palmas ayaa gool soo daahay laga diiday kadib markii uu Offside lagu qabtay Jaime Mata.
Guud aahan ciyaarta ayaa kusoo idlaatay barbaro 1-1 ah.
Real ayaa 5 dhibcood ka heshay seddexdii ciyaarood waxayna haatan fadhisa kaalinta 5aad.
