Gallagher ayaa ku riyaaqay ololihiisii ugu wacnaa isagoo xiran funaanada Blues, isagoo kabtan u ahaa kooxda in ka badan kala bar xilli ciyaareedka, waxaana uu dhaliyay shan gool iyo todobo caawin 37 kulan oo uu ku soo bilowday Premier League.
Si kastaba ha ahaatee, waxaa jiray warar la isla dhexmarayo oo sheegaya in mulkiilayaasha Todd Boehly iyo Clearlake Capital ay u hanqal taagayaan inay lacag kaash ah ku helaan ardaygooda ka qalin jabiyay akadeemiyadda si ay uga caawiyaan booska kooxda ee shuruucda Faa’iidada iyo Joogtada ee Premier League.
Intaa waxaa dheer, shaki ayaa ka soo baxay in tababaraha cusub ee Enzo Maresca uu u arko xiddiga heerka caalami ee dalka England mid ku haboon taatikadiisa kubad heeynta.
Iyadoo wax ka yar hal sano ay ka harsan tahay qandaraaskiisa, Gallagher waxa uu heystaa go’an uu ku gaaro inuu baxo , haddii ay timaado faa’iidada Chelsea iyo haddii kale.
24 jirkaan ayaa heysta fursado badan oo aan la tirin karin sanadka 2025 haddii uu doonayo inuu waqti ku qaato ka hor inta uusan ku bixin beeca xorta ah.
Sida ay hadda tahay, ma cadda in Gallagher uu diyaar u yahay inuu qaato tallooyinka saaxibkiisa isku dalka yihiin ee Tripper, kaasi oo xiddiga kula tariyay inu Atletico kula soo biiro,laakin waxa uu ka fikiri doonaa mustaqbalkiisa ka hor inta uusan bilaabin tababarka xilli ciyaareedka cusub ee Chelsea.