Son Heung-min, kabtanka Tottenham Hotspur, ayaa laba sababood ku sheegay sababta Liverpool ay ugu sarreyso miiska kala sarreynta horyaalka Premier League.
Son oo awoodi waaye inuu kooxdiisa ka caawiyo inay ka hortagto guuldarradii 6-3 ee ay Liverpool ku gaartay garoonka Tottenham Hotspur Stadium habeenkii Axadda, ayaa tilmaamay tayada ciyaartoyda iyo anshaxa kooxda Liverpool.
Kulankan ayaa ka dhigay Liverpool hoggaamiyayaasha Premier League iyagoo leh 39 dhibcood 16 kulan kaddib, halka Tottenham ay u dhacday kaalinta 11-aad iyadoo leh 23 dhibcood 17 kulan kaddib.
Son oo la hadlayay Sky Sports kaddib ciyaarta ayaa yiri:
“Wax shaki kama jiro, way ku habboon tahay inay hoggaanka hayaan.
“Waxaad arkeysaa ciyaartoy tayo leh iyo anshax. Taasi waa sababta ay ugu sarreeyaan miiska horyaalka.”
Son ayaa markale qiray awoodda iyo nidaamka kooxda Liverpool ee uu hoggaamiyo Arne Slot, taasoo ka dhigaysa mid ka mid ah kooxaha ugu adag horyaalka xilli ciyaareedkan.
