Kooxda reer Talyaani ayaa qorsheyneysa inay 21 milyan oo ginni ay Turin ku geeyso garabka Jadon Sancho laakiin waa inay sugaan ilaa laga dhameystirayo iibka Soule.
Sancho ayaa la filayaa inuu ka tago Man United xagaagan, si kastaba ha ahaatee, waxaa laga yaabaa in taasi ay isbedesho iyadoo ay u muuqato in 24 jirkaan uu xaliyay khilaafkii ka dhaxeeyay isaga iyo tababaraha United Erik ten Hag.
Tababaraha reer Holland ayaa xaqiijiyay in isaga iyo Sancho ay si wanaagsan u wada hadleenka dib markii ay isku dhaceen xilli ciyaareedkii hore, Ten Hag ayaa yiri “Si fiican ayaan u hadalnay. Qof kastaa wuu qaldami karaa.
“Waxaan soo saarnay go’aan, waana wadna,” .
“Kooxdani waxay u baahan tahay ciyaartoy wanaagsan, hal shay ayaana la hubaa: Jadon waa ciyaaryahan aad u wanaagsan.
“Waxaan rajeynayaa inuu gacan ka geysan doono guushayada.”
Waa la arki doonaa haddii Sancho uu mustaqbal ku leeyahay Old Trafford laakiin waxa la hubo ayaa ah in xiddiga garabka ka ciyaara la siin doono fursad uu ku sii joogo oo uu booskiisa ugu dagaalamo.
Balse Juventus ayaa ku rajo weyn in ay heshiis la gaadho.
