Joshua Zirkzee oo maalmahaan warar soo baxay ay sheegayeen inuu amaah ugu tagi doono Man Utd ayaa caawa war rasmi ah laga soo saaray mustaqbalkiisa.
Waxaa ka go’an inuu u dagaalamo booskiisa ka dib markii uu si adag ku bilowday nolosha Manchester United, mana xiiseynayo inuu ka tago Old Trafford bishaan Janaayo.
23 jirkaan weerarka ka ciyaara ayaa gool dhaliyay kulankiisii ugu horeyay ee Premier League isagoo wixii intaas la dambeeyay aan sameyn ku yeelan kooxdiisa.
Zirkzee ayaa ku dhibtoonayay la qabsiga kooxda, isagoo wax gool ah aan dhalin 11 kulan oo uu saftay wixii ka dambeeyay goolkiisii ugu horeeyay ee uu ka dhaliyay Fulham.
Si kastaba ha ahaatee, sida laga soo xigtay Sky Sports xanta suuqa ee ah inuu amaah ku baxayo waa war been abuur ah’ Zirkzee ma doonayo inuu ka tago Red Devils suuqa soosocda, iyadoo ay jiraan warar xan ah oo sheegaya inuu u wareegayo kooxda Serie A ee Juventus
Qandaraaska Zirkzee ee Man Utd wuxuu soconayaa ilaa 2029.wuxuuna ciyaaryahanka ku kalsoon yahay inuu u dagaalamo booskiisa halkii uu amaah ku tagi lahaa.
