Ciyaaryahankii hore ee Newcastle United Allan Saint-Maximin ayaa qarka u saaran inuu ku biiro Jose Mourinho kooxdiisa ee Fenerbahce wax ka yar 12 bilood ka dib markii uu u dhaqaaqay kooxda Sacuudiga ee Al Ahli.
Iyadoo Newcastle ay ku dhibtoonaysay dhaqaale xumi xagaagii hore, Saint-Maximin ayaa ogolaaday inuu aqbalo lacagta Sacuudiga.
José Mourinho ayaa doonaya Allan Saint-Maximin inuu geeyo Fenerbahce, waana mid ka mid ah bartilmaameedyada mudnaanta leh, wada xaajoodyada ayaa sidoo kale socda oo dhanka kooxda ah, maadaama Horayba uu ciyaaryahanka heshiis shaqsi ah la gaaray kooxda, isagoo sugaya heshiis dhex mara labada naadi.
Wax ka yar hal sano ka dib, waxay u muuqataa in 27 jirku uu mar dhaqaaqi karo , waxayna u badan tahay inuu la midoobi doono Mourinho, kaasoo raadinaya inuu ku guuleysto horyaalkii ugu horreeyay ee Fenerbahce muddo ka badan 11 sano.
Way fiicnaan doontaa in la arko xiddiga garabka ka ciyaara oo dib ugu laabtay Yurub isla markaana u adeegsan doona xirfadiisa badan ee horyaal tartan badan, iyadoo ay xusid mudan tahay in Fenerbahce ay ka qaybgalayso Champions League oo uu ku seegay Newcastle xilli ciyaareedkii hore.
