Halyeyga Manchester United, Rio Ferdinand, ayaa taageeray xiddiga Arsenal William Saliba inuu noqon doono daafaca dhexe ee ugu fiican adduunka.
Ferdinand ayaa sidoo kale sheegay in shaqsiga kaliya ee Manchester United kujira ee kusoo dhawaan kara mustaqbalka Saliba uu yahay Leny Yoro.
Saliba ayaa wacdaro dhigay markii ay Arsenal garaacday Manchester United Arbacadii kulan ka tirsan Premier League.
Xiddiga reer France ee ayaa dhaliyay goolkii labaad ee Gunners kulankii Man United ay ku garaaceen Emirates Stadium.
“Waxaan u maleynayaa inuu Saliba noqon doono daafaca ugu fiican adduunka,” Ferdinand ayaa u sheegay warbaahinta.
“Saliba waxa uu noqon doonaa daafaca ugu fiican adduunka marka uu Virgil van Dijk booskaas ka baxo “ayuu yiri Ferdinand.
Qofka kaliya ee aan arko iyo qofka aan u malaynayo in uu la tartami doono Saliba dhawaan waa Leny Yoro oo u ciyaara Man United waxaa yiri Ferdinand.
Saliba wuxuu kalsooni badan helay tan iyo markii uu dib kaga soo laabtay amaahdii uu kaga maqnaa Arsenal, waxaana haatan uu yahay mid kamid ah daafacyada ugu fiican ee ka ciyaara Premier League.
