Hadda waa laga saaray, waxaana loo maleynayaa inuu doonayo inuu dib ugu laabto Manchester.
Ilkay Gundogan ayaa laga yaabaa inuu dib u soo ceshado mustaqbalkiisa Manchester City ka dib markii ciyaaryahanka khadka dhexe ee Jarmalka uu shaaca ka qaaday inuu doonayo inuu si degdeg ah ugu laabto Etihad.
Xiddiga ayaa ku xayiran Barcelona ka dib markii uu u dhaqaaqay xagaagii hore ka dib qaab ciyaareed qurux badan oo xilli ciyaareedkii hore uu la qaatay kooxda Pep Guardiola oo ku guuleystay seddexleey taariikhi ah.
Waxa uu saxiixay kaliya heshiis labo sano ah markii uu soo afjaray todobo sano oo uu ku sugnaa Etihad, si kastaba ha ahaatee, haatan waxa uu galay sanadkii ugu dambeeyay ee qandaraaskiisa.
Xiddiga heerka caalami ee dalka Jarmalka ayaa lagu soo waramayaa inuu ku wargaliyay kooxda inuu ka tago, ka dib markii laga saaray kulankii ay 2-1 kaga badiyeen Valencia.
Meesha uu jecel yahayna waxay noqon kartaa inuu si degdeg ah ugu laabto Manchester.
Xaqiiqdii, Guardiola ayaa lagu soo waramayaa inuu ‘u furan yahay’ inuu dib ula midoobo halyeeygiisii hore, The Sun ayaa werrineysa, iyadoo Isbaanishka uu ugaarsanayo xoojinta ka dib dhaawac waqti dheer ah oo soo gaaray weeraryahanka Oscar Bobb.
33 jirkaan ayaa waqti adag ku qaatay kooxda reer Spain, isagoo dhaliyay kaliya shan gool 51 kulan oo uu saftay, waxaana uu qaatay xilli ciyaareedkiisii ugu horreeyay ee koob la’aan muddo 7 sano ah.
