Kooxda Man United ayaa diyaar u ah inay iska dirto daafaceeda Bissaka, kaasii oo la sheegayo inuu ku wajahan yahay kooxda West Ham.
Manchester United ayaa kaliya 10 milyan oo ginni ku iibinaysa Aaron Wan-Bissaka, iyadoo West Ham United ay ka fiirsaneyso inay u dhaqaaqdo daafaca.
Wan-Bissaka waxa uu Old Trafford ku yimid 2019 aduun dhan 50 milyan oo ginni oo uu kaga soo biiray Crystal Palace, waxaana uu wakhti isku dhafan la soo qaatay waqooyi-galbeed.
Inkastoo uu 190 kulan u saftay Red Devils, xiddiga reer England ayaa loo isticmaali jiray beddel xilli ciyaareedyadii u dambeeyay, waxaana mararka qaar lagu dhaleeceeyay awoodiisa kubad heysashada.
Sababta ugu weyn ee ay kooxda iskaga dirayso ayaa ah in kubadaha uusan xajin karin ama uusanba heeysan karin.
United ayaa bartilmaameedsanaya haatan bedelkiisa ,kaaso noqonaya Noussair Mazraoui.
Wan-Bissaka hal sano ayaa uga harsan qandaraaskiisa, kooxdu waxay dejisay 10 milyan oo ginni oo qiimo jaban ah, taasoo u horseedi doonta inay lumiyaan 40 milyan oo ginni.