Tababaraha Manchester City, Pep Guardiola, ayaa tilmaamay cadaadis xun in ay saareen ciyaartooydiisa markii ay guuldarro 2-1 ah ka soo gaartay Aston Villa galabta.
Guardiola ayaa sidoo kale qirtay inay ku dhibtoonayaan ciyaartooyda Man City inay dhaliyaan goolal, laakiin si fudud iyaga looga dhaliyo.
Jhon Duran iyo Morgan Rogers ayaa dhaliyay goolasha kooxda martida loo ahaa, ka hor inta uusan Phil Foden hal gool usoo celin Man City.
Xiddiga Foden wuxuu dhaliyay goolkiisii ugu horeeyay ee horyaalka xilli ciyaareedkan, waana wax aan looga baran dhowrkii sano ee lasoo dhaafay.
Natiijadu waxay ka dhigan tahay in Villa ka Sara martay Man City kala sarreynta Horyaalka, iyadoo wiilasha Guardiola ay badiyeen hal kulan oo kaliya 12kii kulan ee ugu dambeeyay tartamada oo dhan.
Guardiola, oo la hadlayay TNT Sports ciyaarta kadib ayaa yiri: “Runtii waxaan sameynay qeybtii hore wax fiican, qeybtii labaad ma aheyn kuwii ugu fiicnaa.
“Guardiola ayaa yiri” Hambalyo Aston Villa waxay u qalmeen guusha ay naga gaareen.
