Tababaraha Manchester City, Pep Guardiola, ayaa ammaanay Kevin De Bruyne, isagoo ku tilmaamay “mid ka mid ah ciyaartoyda ugu weyn ee abid soo mara Premier League.”
Guardiola ayaa sidoo kale sheegay in bixitaanka khadka dhexe ee reer Belgium uu yahay “maalin murugo leh” oo ku saabsan kooxda.
De Bruyne oo 33 jir ah, ayaa Jimcihii ku dhawaaqay inuu ka tegayo Manchester City dhammaadka xilli ciyaareedkan.
Ciyaaryahankan ayaa muddo 10 sano ah u ciyaaray City tan iyo markii uu kaga soo biiray kooxda Wolfsburg heshiis ku kacaya £55 milyan ($71 milyan).
Intii uu joogay Etihad Stadium, De Bruyne wuxuu la qaaday kooxda 16 koob oo ay ka mid yihiin: lix horyaal oo Premier League ah, shan League Cup ah, laba FA Cup ah, laba Community Shield ah, iyo hal Champions League.
Guardiola oo la hadlayay warbaahinta Jimcihii ayaa yiri: “Waa maalin murugo leh. Waxa uu na siiyay dhiiranaan, mana aha inaan idin xasuusiyo saameynta uu ku lahaa guulaha aan gaarney tobankii sano ee la soo dhaafay — ma suurtagaleen lahayn la’aantiis.”
