Diiwaanka taariikhda kubbadda cagta, ciyaartooy yar oo dhallinyaro ah ayay u suurtagashay inay si degdeg ah ku gaaraan heerka ugu sareeya, Lamine Yamal, isaga oo 17 jir ah wuxuu gaaray heer aan hore loo arag sanadka 2024.
Wuxuu ku guulaystay labada abaalmarin ee Kopa Trophy iyo Abaalmarinta Wiilka Dahabiga ah ( Golden Boy )
Inuu ku guuleysto laba abaalmrin waxay ka dhigaysaa inuu ka mid yahay kuwa ugu fiican kubbadda cagta, wuxuuna hiigsa karaa sanadaha soosocda abaalmarinada ugu sareeya ciyaaraha.
Maxay kala yihiin Kopa Trophy iyo Golden Boy Awards?
Kopa Trophy, oo ay bixiso France Football, ayaa ah abaal marin qaali ah oo la guddoonsiiyay ciyaartoygii ugu fiicnaa kuwa da’doodu ka yar tahay 21 sano, inta lagu jiro xafladda Ballon d’Or ayaa la bixiyaa abaalmarintaan.
Dhinaca kale Abaalmarinta wiilka Dahabiga ah, oo ay bixiso majalada Talyaaniga ee Tuttosport, ayaa waxaa ku tartama ciyaartooyda U-21 Yurub, iyadoo codadka saxafiyiinta qaarada oo dhan lagu go’aamiyo shaqsiga ku guuleysanaya abaalmarinta.
Awoodiisa inuu saameyn ku yeesho ciyaaraha, isagoo da,yar ah, ayaa ka dhigtay inuu noqdo mid kamid ah ciyaartooyda loogu hadalheynta badan yahay dunida.
