Ciyaaryahanka garabka uga ciyaara kooxda Athletic Club Nico Williams ayaa lagu soo waramayaa inuu go’aansaday inuu ku biiro Barcelona xagaagan, inkastoo ay xiiseynayaan Arsenal.
Ciyaaryahanka heerka caalami ee dalka Spain ayaa la filayaa inuu helo dalab qaali ah marka uu furmo suuqa xagaaga 2025, iyadoo qaar ka mid ah kooxaha ugu waa weyn Yurub, oo ay ku jiraan Chelsea iyo Manchester United, ay doonayaan inay bixiyaan 58 milyan oo euro oo lagu burburin karo qandaraaskiisa.
FootballTransfers ayaa fahansan in Williams uu yahay bartilmaameedka koowaad ee suuqa kala iibsiga Arsenal, waxaana la sheegay in kooxda Mikel Arteta ay xitaa diyaar u tahay inay bixiso lacag xad dhaaf ah.
Xiddiga Real Sociedad Martin Zubimendi ayaa sidoo kale la filayaa inuu ku biiro kooxda ka dhisan Emirates Stadium xagaagan, iyadoo joogitaanka dhowr ciyaaryahan oo Spain ah ay caawin karto Williams inuu ku biiro Gunners.
Si kastaba ha ahaatee, TBR Football ayaa sheegtay in Williams uu wali doorbidayo u dhaqaaqista Camp Nou xagaagan.
23-sano jirkaan wakiiladiisa ayaa haatan wadahadalo kula jira kooxo dhowr ah oo Yurub ka dhisan, laakiin waxaa lagu soo waramayaa inuu doorbidayo ku biirista Barcelona haddii uu ka tago Athletic Club sanadka 2025.
