Tababaraha cusub ee Manchester United Ruben Amorim ayaa lagu arkay caawa garoonka Old Trafford markii ugu horeysay, isagoo bilaabay shaqadiisa Red Devils isbuucaan.
United ayaa si xun ku bilaabatay xilli ciyaareedka cusub, waxaana ay hadda fadhidaa kaalinta 13aad ee kala sarreynta Premier League ka dib kow iyo toban kulan oo la ciyaaray.
Erik ten Hag ayaa la ceyriyay bishii hore taasoo soo dedejisay magacaabista degdegga ah ee tababaraha reer Portugal Amorim.
Tababarihii hore ee Sporting CP ayaa u duulay Manchester isniintii si uu u bilaabo shaqadiisa, waxaana la sawiray isagoo ka soo baxaya caawa tunnelka laga soo galo masraxa riyada, isagoo aad ugu faraxsan oo ay la.socdaan shaqaalihiisa gaarka ah.
Ka dib markii uu badiyay kaliya seddex ka mid ah sagaalkii kulan ee ugu horeyay xilli ciyaareedka cusub ee Premier League, Ten Hag ayaa la ceyriyay, iyadoo Amorim la filayo inuu badbaadiyo xili ciyaareedka kooxda.
Todobaadka fasaxa ciyaaraha caalamiga ah lagu maqan yahay tababaraha cusub ee Manchester United ayaa heli doona waqti uu kula qabsado kooxdiisa.
