Manchester United ayaa bartilmaameedkeeda ugu sarreysa suuqa xagaaga u aqoonsatay garabka Napoli ee Khvicha Kvaratskhelia, waxayna diyaar u tahay inay bixiso 100 milyan oo euro oo lagu burburin karo qandaraaskiisa. (Fichajes – Spain)
Daafaca bidix oo cusub ayaa ah mudnaanta kale ee muhiimka ah macalinka cusub ee Man Utd Ruben Amorim, waxaana laga yaabaa inuu Liverpool kula biiro baacsiga loogu jiro difaaca Bournemouth Milos Kerkez. (Sky Germany)
Liiska Man Utd ayaa sidoo kale waxaa ku jira Ben Chilwell oo Chelsea u ciyaara, Wolverhampton Wanderers difaaceeda bidix ee Rayan Ait-Nouri iyo kan Benfica Alvaro Carreras. (Rudy Galetti)
Liverpool ayaa xiiso u qabta saxiixa xiddiga khadka dhexe ee kooxda Barcelona Frenkie de Jong xagaaga dambe xilli uu ku sii dhawaanayo 12-ka bilood ee ugu dambeeya heshiiskiisa. (Fichajes – Spain)
Pep Guardiola ayaa wali ku ku qasbaya Manchester City inay la soo wareegto ciyaaryahanka khadka dhexe ee Newcastle United Bruno Guimaraes, waxaana uu jeclaan lahaa inuu Janaayo heshiis la gaaro si uu kaga dhigo bedelka Rodri (TBR Football)
Arsenal ayaa wadahadalo la leh Crystal Palace oo ka doonayaan saxiixa xiddiga heerka caalami ee dalka England Adam Wharton, kaasoo lagu qiimeeyo in ka badan 50 milyan ginni. (Caughtoffside)
Paris Saint-Germain ayaa ceyrineysa tababare Luis Enrique hadii ay ku guuldareystaan inay u soo baxaan wareega 16ka Champions League, waxaana ay durba qorsheynayaan inay ku bedelaan tababarihii hore ee Real Madrid Zinedine Zidane. (Fichajes – Spain)
Chelsea ayaa u furan inay iibiso daafaca midig ee Reece James ka dib dhaawacii ugu dambeeyay ee soo gaaray, waxaana laga yaabaa inay aqbasho heshiis ku kacaya 20 milyan ginni, iyadoo Real Madrid la og yahay inay si weyn u dooneyso kabtanka Blues. (TBR Football)
Baacsigii Tottenham Hotspur ay ugu jirtay daafaca dhexe ee kooxda Lens Abdukodir Khusanov ayaa waxaa kaga adkaaday kooxda PSG. (Foot Mercato – Faransiiska)
Kooxda Ligue 1 ka dhisan ayaa sidoo kale diyaar u ah inay kula tartanto Aston Villa saxiixa weeraryahanka Besiktas Semih Kilicsoy. (Star-Turkiy)
