Suuqa kala iibsiga bisha Janaayo ayaa xirmay, laakiin wararkiisa ayaan weli damin, Fabrizio Romano ayaa shaaca ka qaaday warar cusub ka hor suuqa xagaaga.
Arsenal ayaa lala xiriirinayay saxiixa weeraryahan cusub dhowr bilood, FootballTransfers ayaa fahansan in xiddiga RB Leipzig Benjamin Sesko uu weli bartilmaameed muhiim ah u yahay Mikel Arteta.
Muuqaalkiisii ugu dambeeyay ee YouTube-ka, Romano wuxuu xaqiijiyay xiisaha Arsenal ay u qabto weeraryahanka Slovenia, wuxuuna sidookale shaaca ka qaaday racdada ay wali ugu jiraan Alexander Isak.
Booska weerarka Arsenal, aad ayay u caddahay in baahi ka jirto waxay samayn doonaan wax aad u weyn, aad muhiim u ah xagaaga,” Romano ayaa yiri.
“Bishii Janaayo, Arsenal waxay isku dayday inay buuxiso sharuudaha heshiiska Benjamin Sesko, laakiin RB Leipzig waxay isla markiiba albaabbada u laabtay heshiiska kasta oo Sesko kaga tagi karo kooxda.
Xilliga xagaaga, dareenku gabi ahaanba wuu ka duwanaan doonaa kii jilaalka. Sesko wuxuu rabaa inuu tijaabiyo wax cusub, sidaas darteed Arsenal ayaa ah meesha uu doorbidayo inuu ka ciyaaro.
Romano ayaa sidookale bixiyay wararkii ugu dambeeyay ee superstar-ka Newcastle United Alexander Isak. Wuxuu qiray inuu yahay magac kale oo bartilmaameed u ah riyada weerarka Arsenal.
Laakiin Alexander Isak sida iska cad Newcastle haddii ay usoo baxdo tartanka Champions League uma badna inuu bixi doono.
