Erik ten Hag ayaa talaabo ka qaaday Alejandro Garnacho ka dib markii uu like saaray qoraalo la soo dhigay Twitter oo lagu dhaleeceynayo tababaraha Manchester United.
19 jirkaan ayaa waxaa waqtigii nasashada bedelay Amad Diallo ciyaartii ay barbaraha 2-2 la galeen kooxda Bournemouth Sabtidii.
Ka dib ciyaarta, Garnacho ayaa “like” saaray qoraalo lagu dhaleeceynayo tababare Erik ten Hag madaama uu bedelay Garnacho iyadoo qoraaladaas uu Twitter soo dhigay taageeraha Man United Mark Goldbridge.
Afhayeen u hadlay Manchester United ayaa xaqiijiyay in tababare Erik ten Hag uu si hoose u la tacaalay ciyaaryahanka.
Laakiin afhayeenla ma uusan sheegin ciqaabta la duldhigay Garnacho waxay tahay.
Ciyaaryahanka ayaa like-ta kala laabtay qoraalada Twitter, waxayna haatan u muuqataa in tababare Erik ten Hag uu si hoose u xaliyay xaalada.
Ciyaarta ka dib Ten Hag ayaa sharaxay sababtii uu u bedelay Garnacho, isagoo yiri: “Waxaan u baahneyn inaan dib u xoojino garabka midig.
“Uma aanan ciyaarin si fiican garabkaas. Si aan kubada u ceshano waxaa qasab aheyn inaan bedel geyno halkaas.
“Garnacho isbuuca oo dhan tababar ma uusan sameynin kaliya shalay [Jimcihii] ayuu tababar sameeyay. Waxaan ku fekeray inaan keeno qof tamar fiican leh, oo tayo ku soo kordhin kara garabka midig.”
