Khabiirka kubadda cagta Fabrizio Romano ayaa meesha ka saaray suurtogalnimada uu weeraryahanka Real Madrid, Endrick ugu biiri karo kooxda Premier League ee Southampton.
Endrick ayaa lala xiriirinayay inuu amaah ugu dhaqaaqayo Southampton suuqa Janaayo sida warbixino soo baxay 24 saac ee lasoo dhaafay sheegayeen.
Laacibka reer Brazil ayaa hoos u dhac ku yimid waayihiisa Los Blancos, tababaraha Real Madrid Carlo Ancelotti ayaan siin fursad badan oo uu isku muujiyo.
Ciyaartoyda Vinicius Junior, Rodrygo iyo Kylian Mbappe ayaa dhamaantood kaga horeeya safka weerarka kooxda Ancelotti da,yarkaan
Endrick ayaa ku guuldareystay inuu helo fursadii uu ku ciyaari lahaa tan iyo markii uu Los Blancos kaga soo biiray Palmeiras.
Sidaas darteed, waxaa jiray warar sheegaya in 18-sano jirkaan uu qarka u saaran yahay inuu amaah ugu dhaqaaqo Southampton sanadka soo socda.
Si kastaba ha ahaatee, Romano ayaa hadda cadeeyay in Real Madrid aysan wax qorshe ah ugu jirin amaah ay ku fasaxdo Endrick bisha Janaayo.
“Real Madrid qorshahaas malahan, Endrick bisha Janaayo ma baxayo” Romano ayaa bartiisa Twitter-ka soo dhigay goordhaw.
“Wararka ka imanayay England ayaa shaaca ka qaadayay 24 saac ee lasoo dhaafay in weeraryahanka heshiis amaah ah uu ugu biirayo Southampton bisha Janaayo,laakiin taas hadda waxaa beeniyay wariyaha suuqa lagu qiimeeyo ee Romano.
