Juventus ayaa kaliya xiisaynaysa in ay amaah ugu dhaqaaqdo xiddiga garabka uga ciyaara kooxda Man United.
Diyaarad khaas ah ayaa lagu soo waramayaa in Jadon Sancho uu uga duulayo Manchester kuna wajahan yahay Turin iyadoo ay Juventus xiiso u qabto xiddiga garabka ka ciyaara.
Si kastaba ha ahaatee Juventus ayaa si cad u sheegtay inay xiiseynayaan kaliya inay amaah ugu dhaqaaqaan Sancho.
Sancho, oo sidoo kale ay xiiseyneyso Chelsea, ayaan ka soo muuqan United labadii kulan ee furitaanka Premier League ee xilli ciyaareedkan.
United ayaa aaminsan in wadahadalada u dhaqaaqista Sancho ay ka horumarsan yihiin Juventus marka loo eego Chelsea.
Sancho ayaa kooxda United kula safray Brighton laakiin xitaa laguma magacaabin kursiga kaydka guuldaradii 2-1.
Waxa uu qeybtii labaad ee xilli ciyaareedkii hore amaah ku qaatay Borussia Dortmund ka dib markii ay isku dhaceen Ten Hag.
Sancho ayaa u muuqday mid dib u soo noolayn doona waayihiisa Man United isaga oo ka soo muuqday Red Devils kulamadii isku diyaarinta xilli ciyaareedka isaga oo xaliyay khilaafkii isaga iyo tababaraha.
Inkastoo uu ka soo muuqday Community Shield kulankii Manchester City taas oo ay ku jirtay rigoore uu ka qasaariyay kooxda, waxay u muuqataa in Sancho uu ka tagi karo United.
Guud ahaan waxa uu United u saftay 83 kulan waxana uu u dhaliyay 12 gool halka uu caawiye ka noqday 6 gool.
