Maamulaha Chelsea, Enzo Maresca, ayaa xaqiijiyay in kabtan Reece James uu seegi doono kulanka Premier League ee ay u safrayaan Leicester City.
Isagoo la hadlayay warbaahinta caawa oo khamiis ah Maresca ayaa shaaca ka qaaday in daafaca uu soo gaaray dhaawac yar islamarkaana uusan qaadan wax tababar ah.
Waxa uu yiri tababaraha Chelsea oo arinkaan ka hadlay “Nasiib darro Reece waxa uu dareemay wax yar oo xanuun ah, mana dooneyno in aan halis galino kulankaan aan usafreyno Leicester City.
Waxaan rajeyneynaa in aysan ahayn xaaladiisa mid daran. Waxaan u maleyneynaa inay tahay mid caadi ah “ayuu yiri tababaraha Chelsea.
Dhinaca kale Maresca ayaa sheegay inay jirto fursad ay mustaqbalka ku wada ciyaari karaan Joao Felix iyo Cole Palmer.
“Waxaan u arkaa Cole Palmer iyo João Félix inay si wadajir ah u ciyaari karaan mustaqbalka, waan ka shaqeyneynaa taas “ayuu yiri tababaraha Chelsea.
João waxa uu sameynayaa wax cajiib ah tan iyo maalintii koowaad ee uu halkaan yimid, dhibka kaliya ayaa ah in wali aan helin isku dheelitirka kooxdeena,” ayuu raaciyay hadalkiisa macalinka reer Talyaani.
