Warar taxane ah oo ku saabsan safarkii Kylian Mbappe ee Stockholm toddobaadkii hore ayaa gilgilay warbaahinta Spain toddobaadkan, kadib markii booliska Sweden ay xaqiijiyeen in baaritaan kufsi uu ka socdo hotelka uu daganaa ciyaaryahanka reer France.
Qareenka Mbappe Marie-Alix Canu-Bernard ayaa ku adkaysatay inay suurtagal tahay inaysan macquul ahayn inuu macmiilkeedu ku lug leeyahay falkan naxdinta leh.
Wargeyska Marca ayaa sheegay in Mbappe uu xiriir jinsi ah kula sameeyay haweeney hotelka dhexdiisa.Wararku waxey sheegayaan in ahayd mid raalli la iskaga ahaa. Labadoodu waxay isdhaafsadeen farriimo kadib dhacdada, iyagoo si wanaagsan uga hadlay waqtiga ay wada qaateen, kaas oo lagu tilmaamay inuu ahaa kulan farxad leh.
Sidoo kale waxay sheegayaan inaan la xaqiijin in haweeneyda cabashada kufsiga u gudbisay booliska ay tahay isla haweeneydaas.
Waxay sidoo kale sheegayaan in Mbappe uu ku soo laabtay hotelka isagoo ay weheliyaan xubno ka tirsan kooxdiisa, iyo haween kale, kadib markii uu ka qayb galay baashaal kalaabka hotelka ka dhacayey. Waxa ka mid ahaa kooxdaas difaaca xulka France iyo Bayer Leverkusen Nordi Mukiele, kaas oo ku qanciyay in Mbappe wakhti ku qaato Stockholm.
Marna ma aysan soo jeedin laamaha ammaanku inuu ku lug leeyahay kufsi, halka warbaahinta qaarkeed ay sheegtay inuu yahay eedaysanaha. Canu-Bernard ayaa kasoo muuqatay warbaahinta habeenkii Talaadada iyo subaxnimadii Arbacada, iyadoo sheegtay in Mbappe uusan fal noocaas ku lug laheen maskaxdiisuna tahay mid daahir ah. Waxay sidoo kale soo jeedisay in laga yaabo in Mbappe la shirqoolay.
