Kooxda Manchester City ayaa heshiis shaqsi ah la gaartay ciyaaryahanka reer Masar, Omar Marmoush. Marmoush ayaa muujiyay rabitaankiisa ku biirista kooxda City, iyadoo wadaxaajoodyada lagu heshiinayo ay hadda si rasmi ah uga socdaan Eintracht Frankfurt.
Ilo xog ogaal ah ayaa sheegay in Manchester City ay diyaar u tahay inay tallaabooyin rasmi ah qaaddo, iyadoo la filayo in dalabkooda rasmiga ah la soo bandhigo maalmaha soo socda.
Labada kooxood ayaa xiriir wanaagsan ka dhexeeya, taas oo ka dhigaysa heshiiska mid sahlan in la dhammeystiro.
Wadahadallada ayaa gaadhay marxaladihii ugu dambeeyay, waxaana la filayaa in heshiiska lagu soo gunaanado toddobaadka soo socda.
Kooxda Man City ayaa si xoogan ugu hawlan dhammeystirka saxiixa Marmoush, iyagoo doonaya inuu qayb ka noqdo safka kooxda ee xilli ciyaareedka hadda socda.
