Kooxda Chelsea ayaa si Rasmi ah u dhamaystirtay heshiiska ay kula soo saxiixanayso wiilka cajiibka ah ee Kazakhstan Dastan Satpayev.
16-sano jirkaan ayaa waqti tijaabo ah ku qaatay Cobham dhamaadkii 2024, Chelsea ayaana go’aansatay inay heshiis joogta ah ka saxiixato, inkastoo uu FC Kairat la sii joogi doono ilaa xagaaga 2026. Markaas oo uu 18 jirsan doono.
Satpaev waxa uu ku biiray FC Kairat isaga oo jira sideed sano, waxaana uu noqday ciyaaryahankii ugu da’da yaraa taariikhda kooxda ka soo muuqday markii uu saftay kulankiisii ugu horeeyay bishii May 2024.
Satpaev ayaa u dhaliyay 27 gool 28 kulan oo uu u ciyaaray kooxda U18, halka xulka Kazakhstan U17 uu hal gool dhaliyay hal goolna caawiyay afar kulan oo isreebreebka UEFA Youth League uu matalay bilawgii xilli ciyaareedkan.
Kooxda uu haatan Satpaev ka tirsan yahay ee FC Kairat ayaa xaqiijisay in uu u dhaqaaqi doono kooxda Chelsea kadib qoraal ay soo dhigeen barta Instagram-ka oo lagu yiri “Dastan Satpaev waxa uu mustaqbalkiisa ka sii wadan doonaa Chelsea.
Kairat iyo kooxda reer London ee Chelsea waxay gaareen heshiis uu weeraryahanka 16 jirka ah ugu dhaqaaqayo Blues.
