Liverpool ayaa diyaar u ah in ay iska iibiso labada goolhaye ee Alisson iyo Caoimhin Kelleher xagaaga soo socda si ay isugu diyaariyaan imaatinka goolhayaha cusub ee Giorgi Mamardashvili kaas oo u dhaqaaqi doona Anfield ka dib markii uu dhamaado heshiiskiisa amaahda ah ee Valencia. (TBR Football)
Liverpool ayaa garabka Real Sociedad Takefusa Kubo keeni karta, iyadoo Reds ay diyaar u tahay inay bixiso 66.7 milyan ginni oo ah qiimaha lagu burburin karo qandaraaska 23 jirkaan. (Fichajes – Spain)
Chelsea ayaa uga digtay Real Madrid inay la timaado wax ka hooseeya €120m haddii ay doonayaan xiddiga khadka dhexe ee Enzo Fernandez. (Defensa Central – Spain)
Sidoo kale raadaarka Chelsea waxaa kujira labada daafac ee Barcelona Jules Kounde iyo Ronald Araujo, kuwaas oo ay u direen indho indheeyayaal dhowr jeer (TBR Football)
Arsenal ayaa bartilmaameedkeeda ugu sareeya u aqoonsatay weeraryahanka Newcastle United Alexander Isak. Magpies ayaa isku dayi doonta inay Isak ku bedesho midkood weeraryahanka Everton Dominic Calvert-Lewin ama Jonathan David oo katirsan Lille. (TEAMtalk)
Galatasaray ayaa diiwaan galisay xiisaha ay u qabto saxiixa weeraryahanka Tottenham Hotspur Son Heung-min. (Fanatik – Turkiye)
Manchester City ayaa raadineysa inay u dhaqaaqdo daafaca dhexe ee RB Leipzig Castello Lukeba. ( The Sun)
Ciyaaryahanka khadka dhexe ee Bayer Leverkusen Florian Wirtz ayaa 100 milyan oo ginni ugu dhaqaaqi kara Man City xagaaga soo aadan inkastoo ay xiiseynayaan labada kooxood ee Liverpool iyo Real Madrid. (Caughtoffside)
Manchester United ayaa isku diyaarinaysa inay u bandhigto xiddiga garabka ka ciyaara ee Antony Real Madrid si uu qayb uga noqdo heshiiska ay kula soo wareegayaan khadka dhexe ee Turkiga Arda Guler. (Defensa Central – Spain)
Ciyaaryahanka khadka dhexe ee Real Madrid Federico Valverde ayaa ah xiisaha ugu weyn ee kooxaha Man City iyo Liverpool. (Fichajes – Spain)
Atalanta ayaa dalban doonta €60m haddii uu baxayo ciyaaryahanka khadka dhexe ee Ederson bisha Janaayo iyadoo ay xiiseynayaan Man City, Paris Saint-Germain iyo Juventus. (Calciomercato – Italy)
Man Utd ayaan wali ka rajo dhigin in ay si xor ah kula soo saxiixato daafaca bidix ee kooxda Bayern Munich Alphonso Davies inkasta oo ay tartan weyn kala kulmayaan kooxda Real Madrid. (Christopher Michel)
Aston Villa iyo Newcastle ayaa labaduba xiiseynaya saxiixa daafaca dhexe ee kooxda Club Brugge Joel Ordonez. (TBR Football)
Xidigii hore ee khadka dhexe ee Man City Shea Charles, oo haatan qaab amaah ah kula jooga Sheffield Wednesday ayaa xiiso ka helay Arsenal. (Fichajes – Spain)
