Cristiano Ronaldo ayaa lagu soo waramayaa inuu noqon doono milkiilaha cusub ee kooxda Valencia CF, balse kaliya haddii ay ka badbaado inay u dhacdo Heerka Labaad ee horyaalka La Liga.
Warbixin ay shaacisay Mundo Deportivo (MD) ayaa sheegaysa in Ronaldo uu xiiseynayo inuu la wareego kooxda Valencia, inkastoo ay jiraan caqabado dhaqaale oo waaweyn. Kooxdu waxay la daalaa dhacaysaa deyn xoogan, garoonkeedii cusbaa na wali lama dhammaystirin sababo la xiriira dhaqaale la’aan.
Peter Lim, oo ah milkiilaha hadda ee Valencia, ayaa xiriir dhow la leh Ronaldo, taasoo ka dhigi karta in iibka kooxda uu si sahlan ku dhaco. Si kastaba ha ahaatee, ilaa iyo hadda, wax war rasmi ah lagama helin Ronaldo ama Valencia oo xaqiijinaya arrintan.
Peter Lim ayaa horay uga soo horjeestay in kooxda la iibiyo, inkastoo taageerayaashu ay dhaliil xooggan u jeediyeen maamulka. Bishii Maarso ee sanadkan, shirkadda Meriton Holdings, oo uu Lim leeyahay, ayaa beenisay wararka sheegaya in Valencia la iibinayo.
Haddii Valencia ay ku sii nagaato horyaalka La Liga, Ronaldo wuxuu noqon karaa milkiilaha cusub ee kooxda, taasoo noqon doonta mid ka mid ah maal-gashiyadiisa ugu waaweyn ee kubadda cagta.
Waxaa sugitaan loogu jiraa in la ogaado sida xaaladdu isku beddesho, iyadoo taageerayaasha Valencia ay rajo ka qabaan in xiddigii hore ee Real Madrid uu soo nooleeyo kooxda.
