Tababaraha Chelsea, Enzo Maresca, ayaa bixiyay warbixin ku saabsan xaalada dhaawacyada xiddigaha kooxdiisa ka hor kulanka adag ee ay la leeyihiin Tottenham.
Chelsea ayaa muddo ay ka maqnaayeen weeraryahankeeda Nicolas Jackson, garabka Noni Madueke, iyo xiddiga muhiimka ah Cole Palmer, kuwaasoo dhamaantood dhaawacyo muruqa ah ku maqnaa.
Si kastaba ha ahaatee, ka hor kulanka ay Chelsea ku wajaheyso Tottenham fiidnimada Khamiista Stamford Bridge, Maresca ayaa xaqiijiyay in saddexduba ay haatan caafimaad qabaan.
Tababaraha reer Talyaani ayaa u sheegay wariyeyaasha, sida laga soo xigtay suxufiga BBC, Nizaar Kinsella: “Cole Palmer waa soo laabtay, wuu fiican yahay. Noni Madueke wuu soo hagaagay. Nico Jackson wuu fiican yahay. Dhammaantood waa diyaar.”
