Chelsea ayaa u dhaqaaqday wajigii horyaalka ee Europa Conference League inkasta oo ay Guuldarro kala kulantay kooxda reer Switzerland ee Servette lugtii labaad ee isreeb reebka.
Kooxda Enzo Maresca ayaa 2-0 ku hogaaminaysay lugtii hore ee Stamford Bridge todobaad ka hor waxayna sii kordhisay faa’iidadaas ka dib 14 daqiiqo waxaana gool u dhaliyay Christopher Nkunku rigoore ka dib markii qalad lagu galay Mykhailo Mudryk.
Jeremy Guillemenot ayaa hal gool u soo celiyay Servette.
Enzo Crivelli ayaa madax ku dhaliyay kubad uu garabka bidix ka soo qaaday Miroslav Stevanovic si uu hogaanka ugu dhiibo kooxda Swisska.
Laakiin kooxda martida loo ahaa ee Chelsea ayaa heli kari wayday gool kale oo waqtigii dheeriga ahaa ku qaadan lahaa iyada oo Chelsea ay isku celcelis ahaan 3-2 ku badisay, kuna soo baxday.
