Warbixin cusub oo laga helay El Chiringuito ayaa sheegaysa in Real Madrid ay dooneyso in Kylian Mbappé uu noqdo khabiir ku takhasusay laadadka xorta ah ee tooska ah. Qorshahan ayaa qeyb ka ah sidii ay kooxda uga faa’iideysan lahayd xirfadiisa, maadaama uu yahay mid ka mid ah weeraryahannada ugu halista badan caalamka.
Tan iyo markii uu kusoo biiray Real Madrid, Mbappé waxa uu diiradda saarayay horumarinta dhinacyadiisa kala duwan ee ciyaarta, waxaana hadda la filayaa in uu tababar gaar ah u qaato laadadka xorta ah. Carlo Ancelotti, tababaraha Real Madrid, ayaa la sheegayaa inuu qorsheynayo in Mbappé uu noqdo xiddiga rasmiga ah ee u qaabilsan kooxda laadadka xorta ah ee meelaha fog.
Si kastaba ha ahaatee, Mbappé ayaan weli caan ku ahayn laadadka xorta ah ee tooska ah, waxaana la arki doonaa haddii uu ku guuleysto horumarinta xirfaddan cusub. Taageerayaasha Real Madrid ayaa si weyn u sugaya sida uu xiddiga reer France ugu guuleysan doono doorkiisa cusub ee kooxda.
Waxaa sidoo kale la sheegay in Real Madrid ay la tacaaleyso cidda loo xilsaarayo qaadashada rigoorooyinka, iyadoo Vinícius Jr lagu wado inuu noqdo xiddiga u qaabilsan gool ku laad yada. Qorshahan cusub ee Ancelotti ayaa wax badan ka beddeli kara qaabka ay Los Blancos u wajahdo ciyaaraha mustaqbalka.
